النظرية النسبية و البرت اينشتاين
النظرية النسبية و البرت اينشتاين هو احد الموضوعات التى لاقت العديد من عمليات البحث فى الفترة الاخيرة ولذلك نقدم لكم اليوم من خلال منصة تريند الخليج موضوع اليوم نتمنى لكم قراءة مفيدة وممتعة.
النظرية النسبية و ألبرت اينشتاين ، بكل تأكيد هو واحد من أهم علماء الفيزياء الحديثة.
و طالما قولنا اسم اينشتاين لازم نقول النسبية.
اللي هي اهم نظرياته و كان لها تأثير كبير في حياتنا إلى الآن.
اينشتاين مولود في ألمانيا و لكنه كان معاه كمان جنسية سويسرية و أمريكية.
اتولد سنة ١٩٨٧ و توفى في سنة ١٩٥٥.
و طبعا لما يذكر اسمه يتبادر في اذهانا جميعا صوره واحدة تقريبا كلنا مجمعين عليها بدون اتفاق.
هي صورة شخص عجوز بشعر أبيض مجعد غير منتظم.
و لم يسلم اينشتاين من السينما المصرية بطبيعة الحال، فأكيد محدش فينا ناسي فيلم الحرب العالمية الثالثة.
لما كان البرت بيعلم الفرعون المدلل توت الحساب، و كان قايم بدوره فايز حلاوة رحمة الله عليه.
و كذلك السوشيال ميديا، كم كوميكس هائل كان من نصيب البرت كمان بدون ما يكون له اي دخل.
المهم نرجع ل البرت اينشتاين العالم الكبير اللي لعب دور كبير جدا في تطور البشرية.
بس ازاي؟
في سنة ١٨٩٥ ساب المانيا و راح لسويسرا يعيش هناك، و اخد الجنسية و تخلى عن الجنسية الالمانية.
درس هناك و حصل على الدبلومة من المدرسة الفيدرالية السويسرية سنه ١٩٠٠.
و في ١٩٠٥ حصل على الدكتوراه من زيورخ.
استقر في أمريكا من سنة ١٩٣٠ و اخد الجنسية في ١٩٤٠.
اما عن حياته الخاصة و زواجه و النساء في حياته، ف دي حاجة خاصة به، متفرقش معانا حاجة.
خلينا في النسبية.
بالبسيط كده في نظريتين عملهم اينشتاين.
النسبية الخاصة و النسبية العامة و الاتنين معتمدين علي مبدأ النسبية اللي عمله جاليليو جاليلي من القرن السابع عشر.
النظرية النسبية غيرت كتير من مفاهيم الفيزياء و خاصة قوانين نيوتن.
النسبية بتقول ان كل حركة نسبية. والزمن بعد ما كان مطلق هو كمان اصبح نسبي.
و بعد ما كان الزمان و المكان منفصلين اصبحو شيء واحد تقريبا.
بالتالي اصبح الزمن يعتمد على السرعة و الجاذبية الخاصة بأي جسم.
من هنا ظهر مفهوم تمدد و تقلص الزمن.
و بعد المفاهيم دي كلها ما اتغيرت ظهرت علوم حديثة زي الفيزياء الفلكية.
ايه هي النسبية الخاصة؟
قبل كده كان في قانون السرعة النسبية اللي بيعتبر أنه لو عربية بتمشي بسرعة 99% من سرعة الضوء، فعلى كده يكون ضوء العربية سرعته ضعف سرعة الضوء تقريبًا.
لكن ما ظهرت النسبية الخاصة، قدرت تفسر الكلام ده بشكل مختلف.
لأن ببساطة النسبيه الخاصة بتقول ان سرعة الضوء ثابتة.
أما عن النسبية العامة
فهي النظرية الهندسية للجاذبية.
وفيها الوصف الحالي للجاذبية في الفيزياء الحديثة.
النسبية العامة معناها تعميم النسبية الخاصة وقانون الجذب العام لنيوتن، بحيث انها تدي وصف واحد للجاذبية كخاصية هندسية للمكان والزمن، أو الزمكان.
البرت اينشتاين – النظرية النسبية
في العموم النظرية النسبية تنص على أن قوانين الفيزياء هي نفسها في كل مكان.
و بالتالي بتفسر النظرية سلوك الأشياء في الزمن والفضاء.
كمان تستخدمها في التنبؤ بكل شيء، بداية من وجود الثقوب السوداء مرورا بانكسار الضوء بسبب الجاذبية وانتهاء بسلوك كوكب عطارد في مداره.
يعني كم هائل من التفسيرات اللي كانت صعبة جدا قبل كده.
أسس النظرية النسبية ال ثلاثة
مفيش شيء مطلق ابدا، كل حاجة لها حاجة تانية مرتبطة بها.
سرعة الضوء ثابتة لا تتغير.
لا شيء أسرع من الضوء.
تمدد الزمن
لما تكون سرعة الضوء ثابته، معني الكلام ان لو رائد فضاء خرج بسرعة كبيرة بالنسبة للأرض، فالثواني هتكون ابطأ بالنسبة للأرض.
أي شيء يدخل حقل جاذبية كبير هيكون في تسارع مستمر.
في نفس الوقت سفينة الفضاء هيكون طولها اقل.
يعني لو صورتها هتبان و كأنها مضغوطة، لكن للي موجود فيها كل شيء هيكون طبيعي زي ما هو.
أشهر تطبيقات النظرية النسبية لأينشتاين
نظام تحديد المواقع العالمي GPS
التليفزيون القديم
ليه الزئبق سائل
الذهب لا يصدأ
ليه الذهب لونه أصفر
المغناطيس نفسه تأثيره نسبي
كانت هذه مقالة اليوم وتناولنا من خلالها اهم التفاصيل الخاصة بموضوع النظرية النسبية و البرت اينشتاين .
